:,74                TESTAMENTS ENREGISTRÉS AU PARLEMENT DE PARIS            (614)
fera au plaisir de Dieu à Saincte Genevieve, ungs autres en soient faiz en sa parroisse honnestement, et que ung franc soit lors distribué aux chapellains et clers d'icelle, et le curé sera content de son luminaire et offrandes avecques le lais qui lui est dessus fait. =
Item, laissa à tous les povres de l'Ostel Dieu de Paris que l'en y trou­vera pour une journée dedens ung mois après sa mort, à chascun nu deniers Parisis.
Item, le dit testateur laissa à ia confrarie monseigneur Saint Nicolas nouvellement fondée ou Palais en la grant sale, dont il est confrère, deux frans.
Item, à l'autre confrarie, ou messes ordonnées d'ancienneté en la dicte sale par messeigneurs et le college de la dicte court de Parle­ment, deux frans.
Item, à la confrarie des Sainctes Maries de nouvel ordonnance en l'eglise du Carme de Paris deux frans, et tout pour estre acompaignié aux messes, prieres et biensfaiz des dictes confraries.
Item, à l'autre confrarie de Nostre Dame de Recouvrance en la dicte eglise du Carme deux frans.
Item, il laissa àMartin, son nepveu, religieux de Saincte Genevieve, et à present curé de Yanves, afin qu'il prie pour lui, son bréviaire, et le requiert de huit messes dedens l'an de son trespassement.
Item, pour faire de bonne painture en la dicte chapelle Saint Michiel et Saint Jaques en la dicte eglise du Carme ou autre lieu hon­neste en icelle, ou dedens le cloistre contre les murs de l'eglise ymages en parois de la representacion du dit testateur, sa feue femme et enfans, devant une ymage de Nostre Dame que l'en y fera, avecques memoire de la fondacion de trois messes la sepmaine ou memoire de la dicte fon-dacion et ordonnance en ung tableau de cuivre, douze frans.
Item, volt encores et ordonna le dit testateur, se aucuns creanciers de feu maistre Jaques, son fil?,, qui a esté de foible gouvernement, autres que ceulx dont maistre Jaques Phelippe a esté chargié de paier, se apperrent ou demandent aucunes debtes en quoy leur feust tenu ie dit feu maistre Jaques, s'il est trouvé et apperré soufïlsamment les